Luke 21
Maris án wák a tari a pakta
Mar 12:41-44
1Ái Iesu a iatung i rumán osmapak i kuir rum er di lu obop pirán tabal ái, má a mákái tan konom di tari kandi artabar uri nián omobop. 2Má a mákái mul i kesi maris án mokos a han mák oboi aru gengen pirán tabal sár. 3 aMá a parai si di ngo, “Mákái! A támin muswan iau parai si gam, maris án mokos minái a tari a pakta si di no ái rung di obop pirán tabal main i nián omobop, 4kabin ái rung er di tari gengen risán sár tili kandi tilik omobop má ngorer kápdite sáhár. Mái sár ái koner a maris muswan a tar noi sang i kán pirán tabal erei a mon singin ngo na tángni kán liu.”Worwor taru si Iesu suri rumán osmapak ngo na sák
Mat 24:1-2; Mar 13:1-2
5Má te kálámul iatung di mákái lalain hat dikte longoi rumán osmapak mai má tan táit erei matananu dikte artabar mai uri narsán ái Káláu uri merei rumán osmapak. Di mákái ngorer ki kandi tu parai rumán osmapak ngo a lain mák kuluk. A longrai ngorer ái Iesu mák parai si di ngo, 6 b“Tan táit imuni kamu tu mákái, kápnate kis ngorer namur. Na hut besang i bung erei ngo tan kurtara da suh pala noi tan hat má da buswa sarai uri bim, má kápte kesi hat na lu kis i nián.”Pákánbung án arangrangas
Mat 24:3-14; Mar 13:3-13
7Má tan kalilik án aratintin di gálta Iesu ngo, “Awái, Tám Aratintin, unák bit gim be á iáu suri tan táit minái. Enges na hut, má dánih á akiláng gima mákái suri mák ilmi ngo ákte páput má?” 8Mái Iesu a parai si di ngoromin,- “Gama ololoh kuluk suri koion á tekes na lam bengta gam. Kabin marán da hut má da arbin mai ngisang má dák parai ngo, ‘Á iau á Mesaia!’ má ‘Ákte hut á pákánbung án arahrahi!’ Mái sár koion gama mur i di.
- “Kesi matananu na aptur má nák arup mai kesi matananu sang. Má bos mát mul da ngoi, kesi mát na arup mai kesi mát.
- “Mái sár kápnate hut besang á bos táit erei, má da long sáksákna gam. Da lu tola gam má da lu arangrangas i gam, ngorer da talka gam uri rumán lotu má dák lu nagogon i gam iatung, má da obop gam i batbat kalar mul. Má káplabin sur iau, gama lu tur i nagogon i mátán táil i boh kabisit má boh tám nagogon.
- e“Má da lu agur tar gam mul ái rang kák gam mái rang mám gam má rang buh gam ngo rang tur gam, má dák lu tar gam uri limán bos tám nagogon má da obop te tili gam uri minat.
Worwor taru si Iesu suri bimán rum á Ierusalem ngo na sák
Mat 24:15-21; Mar 13:14-19
20Mái Iesu a sopasun i kán worwor mák parai ngoromin,- “Mái sár namur gama mákái tan kálámul án arup da tur kauli bimán rum á Ierusalem, ki erár gamák mánán ilmi ngo bimán rum á Ierusalem páput má na mosrah no.
Natun Kálámul na kaleng mul
Mat 24:29-31; Mar 13:24-27
25 gMái Iesu a sopasun i kán worwor mák parai ngo,- “I bung erei sang, da mákái á tan akiláng na hut soura iamuni armongoh uri nas má kalang má boh mátmátiah. Má main i naul bim, matananu da ngátngát sálán tas er a lala gusgus má tara kaungán pákán nah a pos.
Aratintin suri aun rarah
Mat 24:32-35; Mar 13:28-31
29Mái Iesu a parai kesi worwor artálár uri narsá di ngoromin,- “Gama kipi tohtohpas tili rarah má boh kubau mul.
Gama ololoh kuluk!
34Mái Iesu a sopasun i kán aratintin mák parai ngoromin,- “Gama ololoh kuluk i gam sang suri koion na taun pápta gam i tan táit til main i naul bim ngorer i talar mai gong kári namnam má dan a rakai, má konngek mul suri tan táit uri tángni liu. Gama ololoh kuluk suri bung káián Natun Kálámul na mák hut asodar i gam ngorer i pidir di banai tangrai bos.
Copyright information for
SGZ